Parlamentario Rocco Tjon:
ORANJESTAD (AAN): Parlamentario Rocco Tjon ta preocupa pa e molester y problema persistente relaciona cu adicion den nos comunidad. Hopi pregunta haci na Minister Wyatt-Ras ainda no a haya contesta. Ta comosifuera e tematica aki no ta un prioridad p'e.
Recien atrobe den medionan di comunicacion por a lesa e critica grandi cu tin contra Minister Wyatt-Ras al respecto. Pa e motibo ey a bolbe manda casi 50 pregunta pa asina haya mas claridad riba e situacion y e pasonan cu e Minister ta tumando.
Despues cu gobierno anterior structuralmente a aumenta subsidio pa atende cu esaki, Minister Wyatt-Ras a stop esaki abrupto. Lamentabel ta cu minister no kier ni tuma yudansa tampoco. E mes a duna conseho negativo contra di mocionnan den Parlamento ora kier a pone mas fondo pa cuido di adicion.
Parlamentario Tjon lo sigui tene minister responsabel pa mustra liderazgo y pa inverti structuralmente den salud mental y cuido di adicion. E ta spera cu den un periodo di dos siman nos por ricibi contesta riba nos preguntanan.
