Cuerpo Policial Aruba
ORANJESTAD (AAN): Un investigacion extenso di Project Team Drugspanden a resulta den un entrada hudicial na un apartamento situa na Caya Frere Arnold.
Polis a detene 1 hende homber di inicialnan: C.C.C.M. naci na Colombia di 28 aña di edad pa bendemento di droga. Durante e razzia tambe a confisca un cantidad di droga (Base).
Arrestatie Team tabata presente pa detene e sospechoso aki. Project Team Drugspanden a wordo asisti pa Atracoteam tambe diferente coleganan di Recherche y K-9 Unit.
Project Team Drugspanden ta un team cu a wordo lanta pa entre otro pa investiga bendemento di droga for di un percela y ariba caya.
Pa Cuerpo Policial por resolve mas caso cooperacion y informacion di pueblo di Aruba ta hopi importante, pesey nan ta pidi si bo tin cualkier informacion yama tiplijn di Polis cu ta: 11141. Nan ta garantisa cu bo ta keda anonimo pa bendemento di droga.
