ORANJESTAD (AAN): Relaciona cu un suceso masha lamentabel cu a tuma lugar durante weekend caminda a agredi un referee di futbol durante un wega na Compleho Deportivo Frans Figaroa na Noord ,
dialuna, Cuerpo di Polis a duna di conoce cu Recherche di San Nicolas a detene e homber Neil Jansen, coach di e team di U13 di La Fama, naci na Hulanda di 45 aña di edad pa maltrato. Jansen a keda cera pendiente di mas investigacion.
Esaki ta e caso caminda e arbitro Luis Bedoya a keda agredi seriamente durante un torneo amistoso cu a wordo organisa door di SV La Fama. Pa cu esaki, Arubaanse Voetbal Bond (AVB) a suspende weganan di futbol te cu proximo aviso.
