ORANJESTAD (AAN): Central di Polis a ricibi Diadomingo marduga e informe, cu na e T-weg di De La Sallestraat hunto cu Kamerlingh Onnestraat tin un caso serio di pelea andando riba caya.
Mesora unidad di Polis di Playa a mobilisa pa e lugar, y ora cu a yega, a bin nota cu un persona a haya hinca na su curpa, y asina a core solicita pa presencia di Ambulans tambe.
Polis a cuminza check e situacion, y a pone man riba algun agresor cu tabata envolvi y cu lo ta responsabel pa hinca e victima. No ta conoci exactamente cuanto hende a keda deteni.
Ambulans a yega y a core atende e victima, pa asina purba stop e sangramento, y prepara pa bay cu ne rumbo pa Servicio di Emergencia na Hospital. A haya informacion cu lo por tin un victima cu herida na su curpa, pero e lo a bandona e area y no a mire mas.
Polis a bay cu e detenidonan pa Warda di Polis pa asina un investigacion wordo haci riba e causa di e pelea cu a escala den bringamento.
