ORANJESTAD (AAN): Patruya policial di diferente distrito a wordo dirigi pa Central di Polis pa atende un fiesta andando unda mainta a habri y ainda pachanga a continua.
Apesar cu polis a notifica doño fiesta cu e tin di para e pachanga. Pero pa a pone final na e fiesta no a keda polis nada otro pa solicita asistencia di patruya di polis di tur distrito.
No a dura mucho cu e unidadnan tras di otro a yega pa asisti nan coleganan pa pone paro na e pachanga.
E problema tabata cu bisiñanan tabata haya molester pa cual a pidi asistencia di polis. Despues poco poco esnan cu a atende fiesta a busca caminda pa cas of pa sigui e fiesta otro caminda. Mientras, esnan, cu no por a drumi y a perde soño por fin a bay sosega.
