Cuerpo policial
ORANJESTAD (AAN): Den un fin di siman hopi druk, Diasabra anochi pa 8:00 SMAC, hunto cu Cuerpo Policial a inicia nos famoso Lighting Parade.
Un total di ocho grupo a participa den e parada, cu un lastlap cu a conta cu mas o menos 3000 participante. Vocero di Polis, señora Liliana Rasmijn a indica cu Cuerpo Policial a conta cu mas o menos 200 personal, cu a inclui Polis Uniforma, ME, Departamento di Recherche, Motor Unit, K-9. Departamento di Trafico, Mobile Comando, Departamento di Planologie, personal administrativo y di CEA.
E aña aki a conta cu ocho detencion, relaciona cu posesion di droga, arma blanco (teaser y cuchiu) y pa bringamento. Comparando cu e 18 detencion di aña pasa, esaki a reduci drasticamente. Cuerpo Policial ta satisfecho cu e resultado.
Rasmijn a indica cu pa 12:38 am e cabes a yega ex-DOW y pa 2:35 am di diadomingo e parada a yega final.
