ORANJESTAD (AAN): Ministerio Publico a duna di conoce dialuna cu Landsrecherche a detene e homber E.M.G.K. y e muher M.S.M. den e investigacion Kwihi.
E homber K. a wordo deteni anteriormente na november 2023. Caso Kwihi ta un investigacion tocante acuerdonan di servicionan (dienstverleningsovereenkomsten) den e periodo 2017-2021, cera dor di e minister anterior di Transporte, Comunicacion y Sector Primario cu varios persona huridico (rechtspersonen), esta ex-Ministro Chris Romero. E investigacion aki ta andando desde Februari 2023.
E sospecho ta cu diferente persona, entre nan E.M.G.K. y M.S.M., a fraudulentamente ricibi placa di Pais Aruba via e construccion aki. Tin indicacion cu e homber K. tabata coordinador pa ex-Ministro Romero. E investigacion Kwihi ta full swing. Segun Ministerio Publico, no ta descarta detencionnan nobo.
