ORANJESTAD (AAN): E noticia relaciona cu e meneer di 77 aña, Julio 'Buchi' Dirksz a cuminsa circula despues cu e tabata tin algun dia desapareci.
Dialuna ultimo, el a sali for di hospital, esey tabata e ultimo biaha cu famia a mir’e banda di 6’or y mey atardi.
Diamars mainta a bay na e cas pa dune su cuminda y su pilder pero Buchi no tabata na cas. Na prome instante a kere cu Buchi lo a sali cu un otro familiar, pero den oranan di atardi a bin constata cu esaki no tabata e caso. Pa colmo, Buchi no tabata un persona cu por cana distancia largo.
Su salud no tabata mucho bon y e tabata tin mester di remedi. Pero diabierna mainta a drenta e tristo noticia cu famia di Buchi a haye, den mondi na Shete, basta cerca di su cas, pero nan a haye sin bida.
Alarma a wordo bati y mesora autoridadnan a presenta pa atende cu e caso.
DIARIO ta extende palabranan di profundo condolencia na famia y conocirnan.
