ORANJESTAD (AAN): Nan ta esnan cu tin prioridad pa haya vacuna, como cu First Responders ta esnan cu semper tin mas contacto cu
publico.
Pa tal motibo den fin di siman por a nota con Polis ta sigui percura pa proteha nan mes, y tambe proteha publico door di bay tuma nan vacuna.
Ta conoci cu Polis, Bombero, y personal di servicio di emergencia medico tin riesgo halto di por contagia cu e virus di Covid-19, y pa tal motibo e vacuna ta e solucion pa evita cu nan mes lo por bira hopi malo, y alavez yuda nan prohimo.
Tabatin hopi biento y solo fuerte, pero toch e agentenan a para den rij sperando nan turno pa haya e vacuna. Alavez nan sa con malo algun agente Policial cu a haya Covid-19 a bira, pues e ta un bon paso sigur pa nan peace of mind.
