E ta bira e di 7 morto den trafico
ORANJESTAD (AAN): Diaranson, 9.09 di anochi central di polis a wordo notifica cu tin un accident caminda auto lo a dal un peaton na altura di Shahai Take Away.
A despacha patruya policial, bombero y ambulance cu maximo urgencia na e sitio di accidente.
Na yegada di patruya por a constata cu e peaton no tabata duna señal di bida.
Pa 9.45 or di anochi dokter Scholten ta constata morto di Esteban Maduro, naci na Aruba 2 januari 1942.
A pidi specialista di trafico como tambe polis tecnico na e sitio pa haci nan investigacion.
Cuerpo Policial Aruba y DIARIO ta manda palabra di condolencia na famia di e fayecido.
