ORANJESTAD (AAN): Diahuebs mainta algo pasa di 8’or pa un of otro motibo dos chauffeur a perde control riba Avenida Nelson Oduber.
Debi na esaki, tur dos a baha di caminda y keda den e compartimento meymey cu tambe tabata tiki yena cu awa procedente di Bubali Plas. E Toyota Yaris y e Kia Rio a keda banda di otro den awa.
Polis como tambe Ambulans tambe a acudi na e lugar pa duna asistencia, pero no tabatin nada di gravedad.
E manehador nan a haya obliga pa baha den e plas lagando e vehiculo nan atras y pa medio di takelwagen, a saca ambos vehiculo di e compartimento aki.
Reportero y alavez fotografo a reacciona di biaha pa cubri locual a caba di tuma lugar.
