SAN JUAN: Autoridadnan federal na Puerto Rico a detene tres Dominicano, esta 2 homber y 1 muher, mientras nan tabatin 477 kilo di cocaina den nan poder.
E droga aki tin balor di 20 miyon Dollar. Nan a trata di drenta Puerto Rico cu esaki via e costa noordwest di e isla den un boto.
Segun US Coast Guard a divulga, ta un avion di Customs and Border Protection (CBP) cu por mira riba e potret aki, ta esun cu tabata bulando y a detecta un boto na 83 kilometer panort di Aguadilla, na e costa noordwest di Puerto Rico. Mesora nan a duna e informacion aki na demas instancia, incluyendo US Coast Guard. Nan a core manda un cutter Paul Clark for di Miami, y nan helicopter MH-60 na San Juan pa reforza e operacion. Tambe algun helicopter di Puerto Rico mes a bay duna ayudo.
Finalmente ta e tripulante di e helicopter Jaywalk di Guarda Costa cu a logra stop e boto sospechoso aki cu dos homber y un muher abordo. Un di e ocupantenan a resulta herida den e accion aki, y e persona aki a wordo hiba pa Hospital na Puerto Rico pa ricibi yudanza medico.
Nan a descubri 18 bulto cu cocaina cu a psia 477 kilo. Tur tres persona awor ta deteni.
