ORANJESTAD (AAN): Dialuna durante dia polisnan di districto di Oranjestad a tene un control di trafico na puntonan strategico
entre otro ariba L.G. Smith Boulevard dilanti di Wind Creek Casino Caya Ernesto Petrona, Ponton dilanti di BonTires y Caya Betico Croes dilanti di Beatle Garage.
Durante di e accion aki un total di 54 multa a wordo reparti pa maneha cu celular den man.
Por a mira cu polis tabata basta activo for di mainta tempran y manera por a constata ta hopi chauffeur ainda no ta respeta ley di trafico cu ta bisa cu ta bisa cu no mag core cu celular den man. Pero haci esaki tin su consecuencia y esaki ta un boet di 500 florin.
