ORANJESTAD (AAN): Cuerpo Policial Aruba ta yama danki na Joel Feliz durante un periodo cortico cu el a bin reenforsa e organisacion policial local cu diferente proyecto.
DIARIO a compronde cu el a enfoca riba e liderazgo como tambe promove diferente forma di profesionalismo den e cuerpo. Como tambe ela duna diferente training y presentacion.
Polisnan ta gradici Joel pa su sosten y aporte cu ela duna KPA como tambe su experiencia y conocimento riba diferente area pa asina por sigui eleva Cuerpo Policial Aruba. Hopi exito Joel den bo carera den Nederlandse Nationale Politie.
