Cuerpo Policial
Chauffeur a dal brommer di polis y e pasahero a saca un arma di candelaORANJESTAD (AAN): Diasabra durante control, Polis Motorisa a wak un auto sospechoso na altura di un cas na den Laurens Costenstraat. E agente di Unidad Motorisa acerca e auto y diripiente, e chauffeur a dal brommer di e agente y e pasahero a saca un arma di candela.
Mesora e agente a pidi refuerso y asina a cuminsa cu un buskeda den vecindario. Na altura di RCA ta topa cu e homber cu a saca e arma di candela y a deten'e. Polis a confisca un arma di candela.
- Ocho detencion pa maneha bao influencia di alcohol
Departamento di Trafico y Unidad Motorisa a haci control prome durante y despues di Parada di Flambeu.
Departamento di Trafico a controla na comienso di e Parada di Flambeu pa loke ta trata e papelnan di auto como tambe rijbewijs valido.
Unidad Motorisa a haci control na diferente camindanan strategico durante parada.
Den total a detene 8 chauffeur pa maneha bao di influencia di alcohol.
Cuerpo Policial ta haci un apelacion un biaha mas pa no maneha auto bao influencia di alcohol y Usa Bo Amigo Responsabel.
