E ta un persona di 71 aña di edad
ORANJESTAD (AAN): Varios agente riba pia, y tambe for di Helicopter a uni pa asina yuda den buskeda di un persona cu ta perdi.
Tabata Dialuna merdia pa mas o menos 2:45’or di atardi central di polis ta worde informa door di un doño di un cas cu e ta huur cu un homber nacionalidad Britanico, cu yiu di e homber a yama y informa cu dia 31 maart ultimo e tabata tin contacto cu su tata.
E tata a informa cu e lo bay cana banda di Kapel na Alto Vista. Despues di e dia aki e no a tende mas di su tata. Doño di cas a bay na e cas controla y no a topa cu e homber. Despues a bay busca banda di Kapel di Alto Vista na unda el a bin encontra cu e auto di e homber cu ta un KIA Sportage color shinishi.
A despacha patruya di Noord di biaha na elugar na unda a cuminsa cu un buskeda. Helicopter di Polis tambe a yuda den e buskeda.
Recherche di Noord como tambe polis technico di BFTO a yega na elugar y cuminsa cu nan investigacion.
Despues di basta ora anochi a sera y na unda a stop cu e buskeda.
Ta trata di e homber Everard Edoo di 71 aña di edad cu nacionalidad Britanico.
Cuerpo Policial ta haci un suplica na cualkier persona cu ultimo dianan por a mira un persona desconoci den Alto Vista, of cu sa algo of por a mira algo pa yama e tipline di polis cu ta 111-41.
