ORANJESTAD (AAN): Unidadnan di Polis di JZP y demas autoridad, a presenta di sorpresa Diabierna mainta na un adres di islanan Caribense den Tarabana, enbusca di un homber.
Vocero di Polis a confirma cu Jeugd- en Zeden Politie a detene un homber pa abuso sexual di menor.
Den oranan di diabierna mainta na un cas na Tarabana a detene e homber di inicialnan Franklin J.G. Priest naci na Aruba di 36 aña di edad deteni pa violacion di 2 menor di edad.
E articulonan di Codigo Penal cu e homber ta sospecha di a viola ta:
- art 2:197 (Violacion).
- art. 2:200 (Actonan sexual cu un menor di 12 aña pero no a yega e edad di 16 aña).
- art. 2:203 ( Persona cu ta haci actonan sexual cu un otro persona door di duna placa of un regalo of door di gaña e persona cu no yega e edad di 18 aña).
- art 2:204 ( persona cu ta haci acto nan sexual cu un otro persona cu ta pone su mes disponible pa haci acto nan sexual aki ricibiendo cent y ta e edad di 16 aña pero no yega e edad di 18 aña ainda).
DIARIO tin entendi cu e persona en cuestion ta un coach di Brazil Juniors, y tambe un funcionario publico trahando den Veld di Enseñansa.
Pa Cuerpo Policial por resolve mas caso cooperacion y informacion di pueblo di Aruba ta hopi importante, pesey ta pidi si bo tin cualkier informacion yama tipline: 111-41. KPA ta garantisa cu bo ta keda anonimo.
