ORANJESTAD (AAN): Comunidad completo a keda den shock despues di un caso cu por a caba na desgracia.
Un alumno di SPO Brazil a sconde un arma di candela y a saca esaki den klas, mientras e no a permiti pa e otro alumno y tampoco su maestro sali for di e klas.
Alrededor di 10'or di mainta, Central di Polis a haya un yamada y agentenan a yega na SPO Brazil y a a atende cu e hoben. Dos studiante a wordo deteni y transporta pa Warda di San Nicolas. E motibo y intencion di e hobennan involucra pa bay scol arma ainda no ta conoci. E caso ta bao di investigacion.
E tipo di sucesonan aki ta casi mas conoci pa sosode den paisnan mas grandi, na unda alumnonan ta planea atakenan masal den e scol cu armanan di candela. Hopi biaha hende ta pensa cu esaki no por pasa den nan pais, pero e caso aki a mustra cu no ta asina.
