ORANJESTAD (AAN): Den oranan di madruga, pa 1.25 am, melding a drenta via Central di Polis cu un señora lo a yega su cas na Tanki Leendert despues cu criminalnan a los cu 2 tiro contra su persona.
Na yegada di patruya na e sitio, e casa di e señora a conta cu su señora tabata pasando banda di Cas Casuela y el a sinti un impacto den su auto y despues el a wak sanger na su curpa.
Mesora el a core bay su cas for di unda el a yama Central di Polis y a conta su casa y di biaha el a bay hospital pa tratamento.
Na hospital a bin constata cu e señora tin dos perforacion di bala. Mesora a pidi pa departamento di Recherche, Polis Tecnico di Cuerpo Policial.
Pa Cuerpo Policial por resolve mas caso cooperacion y informacion di pueblo di Aruba ta hopi importante pesey ta pidi si bo tin cualkier informacion yama tiplijn: 11141. KPA ta garantisa cu bo ta keda anonimo.
