ORANJESTAD (AAN): Abogado mr. Lejuez a bisa Corte Superior, cu Wever den Corte di Prome Instancia a mustra cu tabatin un tabatin un protocol entre Gobierno y Refineria y
e compania di Wever. Den linea di protocol ta poni, cu e meta di e protocol ta pa sigura permiso pa stranheronan cu mester traha den Refineria di Valero na San Nicolas. E firma di Ministro no tabata necesario, y tabata mas bien un formalidad.
Esey ta mustra cu Wever no tabatin mester di Ministro pa haya firma y no mester acerca Ministro.
Ningun momento Wever a acerca Ministro pa firma, sino con a para cu e permisonan. E ta haya cu e sentencia di Hues den Corte di Prome Instancia no ta cuadra y mester declara Wever liber. Inhustamente Hues a opina cu Wever lo a cumpra Ministro. E donacion di Wever na Fundacion Excellence no mester wordo considera como ‘cumpra’. Por constata cu Capriles no tabata nada contento cu e 1.500 Florin cu Wever a haci donacion, y cu nan tabata spera mucho mas placa.
Capriles a manda Whatsapp pa Paul mustrando cuanto placa Wever a duna. Wever den combersacion cu Capriles por a ripara cu e persona aki no ta contento cu e suma di donacion, y cu Capriles tabata kier mucho mas. E suma tabata asina abao cu no por bisa cu lo a “cumpra”. Capriles mes tabata spera un donacion di 10.000 Florin, pero esey nunca a socede. Pesey Abogado ta opina cu mester declara Wever liber, y cu e sentencia a perhudica compania di Wever. Aki a menciona cu e.o. el a perde contract cu Aeropuerto. El a haye ta baha como Director di Compania pa no duna e compania mal nomber.
Abogado a mustra cu tur esaki a afecta Wever, cu ainda e ta bay pa tratamento psicologico.
