ORANJESTAD(AAN): Riba ‘One Healthy Day’ cu ta bay tuma lugar rond Aruba Diadomingo, ta bay tin diferente actividad fisico cu hendenan por participa na dje den cuadro di biba saludable y un di e actividadnan aki ta Zumba.
Pa esaki ta bay tin tambe Zumba y pesey durante un conferencia di prensa instructor di Zumba Andrea Alfonso a papia riba su rol pa e dia aki.
El a indica cu ora cu el a tende di e evento One Healthy Day, mesora el a pensa cu Zumba no por keda afo.
“Mi ta sumamente contento di por forma parti di e actividad aki cu ta duna un oportunidad na quizas esnan cu tin un tiki berguenza di haci Zumba of otro deporte, pa nan participa na un bon actividad fisico”.
E ta un tremendo motivacion pa cuminza purba traha riba no salud tur dia poco poco, segun Alfonzo kende a indica cu Diadomingo Zumba ta cuminza 10’or di mainta riba Plaza Betico, unda cu diferente instructor di Zumba lo traha cu tur hende cu presenta, durante 1 ora largo.
Alfonzo a splica cu Zumba tin varios beneficio, incluyendo baha stress y aumenta energia.
