ORANJESTAD (AAN): Un di e weganan popular di Lotto keto bay ta Zodiac.
Aki bo ta escoge djis un number consistiendo di cuatro cifra, y bo ta agrega un signo zodiacal. Esey ta suficiente pa asina bo ta cla pa ta den wega.
Esey ta loke Yuanqiang a haci tambe, y el a gana! Pesey riba Dialuna el a presenta na oficina di Lotto na Playa pa asina reclama su premio.
Aki e funcionarionan di Lotto a check si el a pone su firma y tambe e number di banco banda patras di e ticket, y asina a scan e barcode. E computer a confirma cu Yuanqiang a gana 75.000 Florin cu wega di Zodiac.
Asina a start e proceso pa transferi e premio electronicamente pa su cuenta di banco. Yuanqiang a indica cu e ticket ganador el a cumpra na Rina Highway.
