ORANJESTAD (AAN): Tur informacion y update di organizacion SMAC pa cu e eventonan di competencia relaciona cu Carnaval 71,
tabata pasa den proceso di organiza diferente reunion informativo
Di algun tempo pasa caba, SMAC a tene e reunionnan informativo cu e preparador- y candidatanan di Reina di Carnaval, y e dianan aki nan lo organiza esaki pa esnan cu ta participando pa competencia di Prins y Pancho di Carnaval.
Esaki ta wordo haci apenas awor, debi cu e fecha di inscripcion pa cu Prins y Pancho apenas awor a caba di cera.
Esey ta loke president Darren van Ommeren di SMAC a indica durante un entrevista.
Encuanto Festival di Tumba, ya caba SMAC a sinta cu e participantenan caba pa delinea tur regla y protocol pa e actividad. Den e siman aki tin un reunion final pa Festivalnan di Tumba Infantil y Hubenil.
Segun van Ommeren, tur contract cu bandanan, e.o. Noush and the Band encarga pa algun tempo caba cu Calypso y Roadmarch Infantil y Hubenil, y tambe D’licious Band lo ta acompaña Festival di Tumba Infantil y Hubenil. Tur esey ya ta firma, pues ta djis algun toque final falta pa finaliza tur preparacion.
