ORANJESTAD (AAN): Na aña 2013 caba, e fondo di pension di Aruba su reserva tabata den agota.
Asina director di Banco di Seguro Social, Edwin Jacobs a duna di conoce despues di a contesta algun pregunta di prensa relaciona cu su reunion cu Formador di Gobierno.
El a agrega cu den aña 2017 padilanti a constata cu e gastonan tabata aumentando rapidamente compara cu e gastonan y di 2017 padilanti tabata tin mas gastonan cu entrada pa aña y mester a cuminsa come den e reservanan.
A tuma tempo pa bin cu e cambionan. A bin cambio na 2010, aumenta entrada. Na 2011, tambe aumenta entrada y na 2015 cu a aumenta prima atrobe y e ora ey tambe a dicidi cu ta cuminsa aumenta edad, a bisa.
El a reitera cu ya na 2013 caba e fondo di pension tabata falta masha poco pa el agota completamente. E fondo no ta bin cu hopi placa. Na 2015-2016 ora cu edad di pension a bira mitad aña ta subi tur aña tabata drenta 700 pa 800 hende, ta fayece 600 y esey tabata duna espacio cu por a sigui spaar.
E intencion tabata cu ta bay yega un 100 miyon florin y no a yega 100 miyon nunca. Ora tin 100 miyon of 150 miyon por inverti y esey ta trece mas placa aden. Pero no a haya chens di yega eynan ainda, Edwin Jacobs a enfatisa y esey ta pone cu e fondo ta manera cu e ta awe.
El a finalisa bisando cu e fondo di AOV tin henter un storia cu ta cuminsa na aña 2002 caminda cu gobierno a sinta cu gremionan, pero no por a yega na acuerdonan e tempo ey y pesey awe ta asina leu.
