Audrey Croes, Relacionista Publico NV Elmar:
- Ainda tin espacio habri
ORANJESTAD (AAN)- Audrey Croes, Relacionista Publico di NV Elmar, a relata den entrevista cu DIARIO, cu e compania a cuminza dia 30 di Mei aki cu e tayer di trabao, cu aña pasa NV Elmar a lanza yama “Klik y Siña?” cual ta dirigi na adulto mayor y diseña na Ingles pa siña habilidad pa maneha online.
E aña aki ta den Centro di Bario Dakota, y ainda tin tres espacio habri pa e curso aki, den horario di mainta.
E workshop aki ta tuma cinco siman, unda adultonan mayor ta siña con pa navega den internet, specialmente e plataformanan digital di Elmar.
Como compania, NV Elmar semper ta haya mensahenan di clientenan cu kier paga online, pero tin e grupo di clientenan cu mester di ayudo personal; un workshop, e ora ey e compania a bin cu e idea di e tayer di trabao aki, pa personalmente nan sa con pa hacie, pero tambe pa nan haya confianza pa hacie.
“Manera nos a organiza e workshop aki pa tur adulto mayor na Aruba, aña pasa nos a cuminza na San Nicolas, awo ta den e Centro di Bario Dakota dia 30 di Mei, y despues di esey ta sigui cinco siman largo riba Diasabra.
Tin dos grupo, sea e grupo mainta cu ta di 10’or pa merdia 12’ or, of e grupo atardi cu ta di 2’or pa 4’or.
“E ta un workshop completamente gratis, maximo diez persona pa cupo, nos tin ainda espacio pa tres persona, parti mainta. Dus, ainda nos kier haci un yamada na adultonan mayor pa esnan di Oranjestad y Dakota, pa uni na e tayer di trabao aki, cu tin interes con pa maneha online, specialmente e plataformanan di Elmar”, Audrey Croes, PR di NV Elmar a duna di conoce.
Pa inscribi por pasa na Elmar personalmente, of via facebook, of tuma contacto cu Departamento di Customer Service na telefon 523-7100.
