Cu proyecto pa 'back to school'
ORANJESTAD (AAN): Reina Geerman, Presidente di Women's Club of Aruba a indica cu nan a wordo acerca pa Fundacion Mi Voz ta Bo Voz pa traha hunto riba nan proyecto pa 'back to school'.
Directiva di Women's Club of Aruba a reuni pa asina wak con nan por yuda, mirando cu semper nan ta para na vanguardia di nos muchanan. A dicidi cu nan lo yuda den parti di boluntarionan y lo yuda den parti di empaketa e tasnan, como tambe den distribucion di e material na e famianan.
Manera Fundacion Mi Voz ta Bo Voz a splica, aña pasa mester tabata ultimo aña cu e fundacion lo a traha riba e proyecto aki, pero nan a haya e necesidad di traha riba e proyecto pa un aña mas.
Tur persona cu ta interesa, specialmente comerciantenan, pa haci un donacion, por haya informacion riba medionan social di Women's Club of Aruba of acerca un di nan miembronan.
