Pagara tradicional dia 31 di december no lo por bay door
ORANJESTAD (AAN): Wind Creek Aruba ta lamenta di anuncia cu e celebracion cu e Pagara tradicional cu normalmente sa tuma lugar dia 31 di December, no lo por bay door e aña aki door di motibonan for di nan alcance.
Ta di lamenta esaki, ya cu e ta un evento esencial y un di e celebracionnan di añA nobo di mas grandi pa nos localnan como tambe bishitantenan di nos isla, simbolisando “core cu e fuku” y duna bon suerte, prosperidad y felicidad na un y tur pa e aña siguiente. Nos ta spera di por bolbe cu e tradición aki pa otro anja cu dios su poder.
Ta invita pueblo en general pa bin gosa día 31 di December den un ambiente agradabel cu famia y amigonan na
Renaissance Marketplace:
For di 1 PM cu presentacion en bibo di Robert Jeandor y Su Solo Banda Show na e mainstage, sigui cu un set anima di DJ na 4 PM pa mantene e energia di fiesta.
Diferente restaurant y bar nan na Marketplace lo keda habri te laat pa sirbi nos clientenan.
Renaissance Mall:
For di 1 PM cu presentacion tradicional di Dande pa nos por celebra e parti cultural di Aruba y duna bendicion di Aña nobo na Renaissance Mall, Marketplace y Casinos.
Renaissance Mall lo ta habri te cu 4PM pa por hasi e ultimo compranan pa aña nobo.
"Nos ta gradici boso comprension y sosten durante e aña y ta desea un y tur un bon comienso di 2025 yena cu dicha y prosperidad".
