Buscando un trabou of un carera nobo?
ORANJESTAD (AAN): Wind Creek Aruba e empresario preferi na Aruba tin e honor di presenta un “Job Fair” diamars, 23 di April 2024, for di 9:00 AM te 8:00 PM na Renaissance Convention Center. E feria aki tin como meta pa conecta cu personanan enbusca di empleo y ofrese oportunidad nan nobo den e area hotelero cual Wind Creek Aruba ta reconoci pe.
E “Job Fair” lo tin diferente boothnan pa asina por asisti tur persona, asegurando un experiencia productivo y informativo.
Lo conta cu 6 diferente booth representando diferente departamento cual tin e demanda di mas grandi pa empleo manera housekeeping, culinario, front desk/DTS, engineering, spa, casino, y Starbucks.
Lo tin un area di educacion y desaroyo: Akinan lo ofrece guia riba preparacion pa un entrevista di trabou, incluyendo conseho di vestuario, preguntanan y contestanan cu por wordo spera durante un entrevista pa trabou.
Asistencia cu Resume, esta un CV: Profesionalnan lo ta disponibel pa yuda candidatonan den actualisacion di nan resume usando programanan facil cu ta disponible via un computer.
Area dedica pa aplicacion: Akinan candidatonan por aplica di biaha y por pasa door di un screening inmediato.
Entrevista na sitio of por medio di un afspraak: Candidatonan cualifica lo tin oportunidad pa un entrevista di empleo na sitio of por schedule esaki pa e siguinte siman, basa riba e resultado di e screening inicial.
Wind Creek Aruba ta invita comunidad en busca di un trabou pa bin prepara cu nan resume y documentonan necesario, manera un ID valido y permiso di trabou.
Si un persona aplica durante e dia di “Job Fair”, esta diamars 23 di April y wordo emplea di biaha y pasa e periodo di probation di dos luna, lo tin un chens pa gana un biahe pa Curacao, incluyendo ticket di avion, estadia na Renaissance Wind Creek Curacao y un voucher pa cover cuminda & bebida.
E “Job Fair” aki un biaha mas ta demostra e compromiso di Wind Creek Aruba pa sostene e comunidad local door di ofrece oportunidadnan di trabou na Wind Creek Aruba. Pasa libremente y explora oportunidadnan interesante pa un carera exitoso cu Wind Creek Aruba
