ORANJESTAD (AAN): Un di e weganan di mas popular di Lotto keto bay ta Zodiac.
Aki bo ta escoge un number consistiendo di cuatro cifra, y bo ta agrega un signo zodiacal pa asina ya bo ta den wega.
Esey ta loke Willem a haci tambe, y el a gana! Pesey riba Diabierna el a acudi na oficina di Lotto na Playa pa reclama su premio.
Funcionarionan di Lotto a revisa e ticket y ora di scan e barcode, e computer a confirma cu Willem a gana 10.000 Florin cu e wega di Zodiac.
Mesora a sigui cu e proceso pa transferi e premio electronicamente pa su cuenta di banco. Willem a indica cu e ticket ganador el a cumpra na Shahai Takeaway.
