Pa siña, explora y contribui
ORANJESTAD (AAN): E team di Wikipedia riba Aruba ta invita bo pa dos evento durante November, pa siña, explora y contribui den e mundo di Wikipedia.
Uno di nan ta: “Ban Wiki: Tayer di Herment di Traduccion”. Aki bo ta siña con pa traha cu e herment y traduci articulonan. Asina bo por yuda trece mas conocemento den Papiamento riba Wikipedia.
Esaki lo bay ta dia 17 di November 2025, for di 5:00 pm te cu 7:00 pm na Biblioteca Nacional na Playa.
Trece bo laptop of haci uso di e computernan disponibel. Cupo ta limita, asina registra bo participacion prome.
E otro ta: “Ban Wiki: Online”. Si bo ta pega y tin pregunta tocante con di contribui den Wikipedia y uza e plataformanan di Wikimedia, e session aki ta pa bo.
Esaki lo bay ta dia 24 di November 2025, for di 10:00 am te cu 11:30 am, via di Google Meet.
Pa ambos, pa bo reserva tin di haci esaki via telefonnan 699-3032 of tambe 699-3034. Por email tambe na This email address is being protected from spambots. You need JavaScript enabled to view it..
