Dos dia largo na Marinierskazerne
ORANJESTAD (AAN): El a caba di bira e unico evento di Functional Fitness licencia pa IF3 na Aruba. Esey nifica cu awor Aruba ta cla pa ricibi Ftville Aruba Fitness Festival – e evento mas grandi di Functional Fitness na Aruba, organiza pa Federation di Functional Fitness na Aruba (F3Aruba).
Organisa door di nos localnan, pa nos localnan, F3Aruba ta traha cu pasion pa duna nos atleta local oportunidad pa briya y dianan 25 y 26 di October, Aruba lo tin e gran honor di ta anfitrion di un evento sin igual.
Esey ta “Ftville Aruba Fitness Festival”, un weekend yena di energia, deporte y pasion, caminda cu Ftville ta uni dos evento grandi den un solo platform, cu mas di 200 atleta local y internacional participando. Lo bay tin atleta participando di Aruba, Bonaire, Curaçao, Surinam, Trinidad and Tobago, Merca, Hulanda, Alemania y Colombia.
Esaki ta e dos eventonan principal e dianan ey.
(1) Ftville Championship – Competencia individual y den duo (homber of muhe) – Categorianan: RX (Elite), Intermediate y scaled.
(2) Hyrox Simulation Test Aruba – Competencia den duo (2 homber of 2 muhe) – Categorianan: Fun y Competition. Lo ta bai tin cash prizes pa cu e evento aki tambe y algun otro premio cual ta hasie atractivo. Esaki lo ta na Marinierskazerne Savaneta, dianan Diasabra 25 di October y Diadomingo 26 di October.
Entrada lo ta completamente gratis, pero unico rekesito ta pa yena bo informacion riba un website. Pues bo mester registra pa asina bo por drenta gratis. Si bo ta bay cu mucha, bo mester registra cada uno tambe riba e website. Ora di drenta Kazerne, bo tin di bay cu e cedula of ID cu bo a uza ora di registra online. Haci esaki na:
Nan ta manda un danki na tur patrocinador, como cu sin nan e evento aki no tabata posibel. Nan ta cu ta cu nos tur ana y tur otro cu a contribui pa e exito di e festival aki. E organizadornan ta profundamente agradeci pa e aporte di partnernan manera Renaissance Windcreek, Powerade, Aruba Aloe, Setar Aruba, Midrange, The Hilton Casino, La Cabana, Protegy Aruba, Boardwalk Boutique Aruba, Cunucu Coffee Roasters, Fantastic Garden, Mariniers Kazerne, Lotto, Aruba Sport Unie, IBiSA, y Giannis.
Pueblo ta invita pa apoya e atletanan local na e evento di CrossFit y Functional Fitness mas grandi riba e isla! Un experiencia pa no perde.
