Ildemar Rosel a duna di conoce:
*Un rekisito ta diploma MBO di Colegio EPI
WEB Aruba NV, tabata presente den College Fair, Ildemaro Rosel hunto cu otro colega, a encarga cu duna informacion na e studiantenan cu a acerca nan, y no tabata poco.
Nan tabata tey cu e meta di concientiza tur e hobennan cu kier traha den e compania, tocante tur e rekisitonan cu nan mester cumpli cu ne, segun loke e departamentonan ta desea.
Por ehemplo den e caso di… el a caba Colegio EPI, sector di Tecnologia-nivel MBO, y el a sigui den e mesun direccion aki trahando na WEB su Departamento di mechanical, y asina pa tur e demas departamentonan cu tin di haber cu tecnologia. Pa Departamento financiero, OC y otronan, e ta cay den otro rechting.
Ildemaro a menciona cu WEB tin su stapnan, manera den su caso (y su colega), nan a cuminza como Mechanic B, a sigui subi bay ariba pa Mechanic A, despues a bira hoofdmonteur, opzichter, despues ta haya chens di por bira hefe.
“Pero e otro oportunidad cu WEB ta ofrece nos como trahado, por si acaso bo kier cambia di Departamento, por ehemplo den mi caso mi mechanical pero si mi kier bira un operator, na dado momento mi por haya e oportunidad aki. Si e vacature sali mi ta aplica, nan ta wak tur mi rekisitonan cu mi tin, y mi por bay como operator pero hayando les, esey si”, el a menciona.
WEB, sigur cu si, ta ofrece un bon futuro pa e hobennan cu ta drenta traha den e compania. “Mi ta garantiza esey, mi tin diez aña trahando eyden, y mi no tin nada di keha den esey”, Rosel a remarca.
Te cu awo tin hopi hoben interesa den drenta WEB, nan ta aplica y durante College Fair nan a haci hopi pregunta tocante kico WEB mester, kico ta e rekisitonan. “Pesey nos ta aki pa splica nan kico tur, nos trabao ta encera”, Rosel a relata.
