PHILIPSBURG: Centro di Operacion Maritimo (MOC) di Wardacosta di Caribe Hulandes a ricibi den fin di siman
un peticion di ‘Maritime Rescue and Coordination Center’ (MRCC) na isla di Martinique un peticion pa yuda nan den buskeda di un boto perdi riba lama. E boto cu 2 persona abordo, a sali di St. Lucia rumbo pa Martinique.
For di St. Maarten mesora Centro MOC a laga un avion di Wardacosta lanta vuelo pa bay yuda den e area. Poco despues a resulta cu porfin autoridad a haya comunicacion bek cu e boto, y asina a ricibi nan posicion, cu asina a yuda mas e accion di buskeda.
E boto tabatin problema cu motor y no por sigui nabega. E avion di Wardacosta a logra detecta e boto y a nota cu tin 2 hende abordo. Asina a responde bek na MOC, cu a notifica MRCC di esaki. A saca un helicopter di e fregata frances Germinal, cu a bay y asina hisa e dos tripulantenan for di e boto.
Nan a ricibi pieza pa drecha e motor, pa asina nan por sigui nabega cu e boto.
