WILLEMSTAD: Tabata Diahuebs cu Centro Operacional Maritimo (MCO) a ricibi un peticion pa yudanza, pa duna sosten medico riba e isla chikito conoci como Klein Curaçao.
E capitan di un boto charter a raporta cu un turista a bira malo riba e isla. Wardacosta a core contact e docter di CITRO, kende a indica cu e turista tin di wordo hiba pa Hospital pa mas tratamento.
Wardacosta a manda nan Helicopter AW-39 rumbo pa e isla pa asina bay busca e pashent. Nan a hise abordo, y a bay bek rumbo pa Curaçao International Airport, unda un Ambulans tabata warda riba dje. Di e forma ey e pashent a wordo hiba pa CMC pa ricibi tratamento medico.
