ORANJESTAD (AAN): Dialuna atardi Wardacosta a señala un contacto sospechoso na altura di Piscaderabaai.
Despues di deteccion aki, e Centro di Operacion Maritimo di Wardacosta mes ora a dirigi un boto patruyero Metal Shark den direccion di e boto sospechoso.
Na yegada di e boto patruyero na Piscaderabaai, e boto di piscado local a keda guia pa e pier di
Wardacosta.
Na yegada na e pier e oficialnan di Wardacosta hunto cu Duana a listra e boto. Abordo di e boto di piscado local a encontra mas o menos 550 kilo di cocaina. E droga y e dos hombernan, di cua un Curasoleño y un Boneriano, a keda entrega na Cuerpo Policial di Corsou. Entre tanto e droga a keda destrui.
