ORANJESTAD (AAN): Awor cu Colombia a haya un gobierno nobo cu President Gustavo Petro,
ta mustra cu e procesonan pa normaliza relacion entre e dos paisnan ta bayendo na un ritmo basta acelera.
Riba Diaranson, e president di Asociacion di Lineanan Aereo na Venezuela (ALAV), esta Humberto Figuera, a sigura cu dentro di algun dia, e vuelonan di Venezuela pa Colombia lo bay cuminza bula bek.
El a agrega cu pa luna di December tambe, Venezuela probablemete lo tin chens di bula directamente pa Buenos Aires, Santiago de Chile, y tambe Ecuador.
Na Venezuela ya caba tin activo vuelonan for di Spaña, Portugal, Turkia, Panama, Republica Dominicana.
El a bisa cu Qatar Air, y tambe Argel Air lo cuminza bula pronto pa Venezuela.
Segun Figuera, tanten cu tin pasahero, e negoshi aki lo ta atractivo pa aerolineanan. El a admiti sinembargo cu operacion di un aerolinea na Venezuela ta hopi costoso mes.
