ORANJESTAD (AAN) – E Declaracion pa Eliminacion di Violencia Contra Hende Muher, emiti door di e Asamblea di e Organizacion di Nacionnan Uni na 1993,
ta defini e violencia di genero como “tur acto di violencia cu tin of por genera como resultado, un daño of sufrimento fisico, sexual of psicologico, e coaccion of privatizacion arbitrario di libertad, sea den e bida publico of priva”.
Segun estudionan realiza, e efectonan psicologico adverso cu violencia contra hende muher adulto y mucha, mescos cu e consecuencianan negativo pa nan salud sexual y reproductivo, ta afecta e hende muher den tur etapa di su bida.
Por ehemplo e desventahanan trempan den materia di educacion no solamente ta constitui e obstaculo principal pa logra e escolaridad universal, y pa cumpli cu e derecho na educacion di e muchanan muher, y ademas e ta restringi e acceso na educacion superior pa hende muher y ta limita su oportunidadnan di empleo.
Pues, e violencia contra hende muher sigui ta un obstaculo para logra e igualdad, desaroyo, paz, mescos cu e respet di e derechonan humano pa e ser femenino en general.
