ORANJESTAD (AAN): Vice Presidente di Muay Thai Kickboxing Aruba Rygell Boye ta yama tur atleta cu a participa den e Muay Thai Extravaganza pabien pa nan bon trabou y nan seriedad pa cu e anochi importante aki pa Aruba.
"Nos a demostra e seriedad, habilidad y disciplina cu nos por tin den deporte vooral ora ta trata di deporte di contacto. Un pabien na tur e maestronan cu nan trabou haci pasobra ami como atleta y maestro mi mes sa cu no ta facil e trabou aki pa mantene un atleta ta train duro pero nos sa ta e unico manera pa logra esakinan y nos por a wak e resultado di esaki diasabra anochi", a bisa.
Un pabien na e publico cu a apoya nan atletanan y mayornan cu tabata tin e pasenshi di kere den e maestronan y e confiansa y na tur e fans di Muay Thai pasobra sin boso nos atletanan no lo a sinti nan mes na cas.
Danki y pabien un biaha mas Aruba. Pabien cu e resultado aki sigui train pasobra tin hopi mas na caminda di Muay Thai. Pabien.
