ORANJESTAD (AAN) -- E comision cu ta encarga boluntariamente pa busca derecho di pensionadonan biba na Aruba cu ta ricibi AOV di Corsou ta informa:
Tres Huez den Corte Superior a duna dia 17 di september ultimo decision final den e caso contra SVB Corsou. E peticion di e pensionadonan di Aruba tabata cu si lo por a sigui nan caso contra SVB Corsou via procedura civil.
Manera ta conoci pais Corsoua trece padilanti un incidente (manera un 'motion' den e sistema Americano) unda e ta bisa cu e pensionadonan di Aruba cu ta ricibi AOV di Corsou mester wordo declara ( nietontvankelijk) esta no vigente( of no admisibel) pasobra nan mester a cana e caminda administrativo manera cu e otro personanan a haci den e caso na Corsou.
E caminda ey tabata habrì pero como e pensionadonan di Aruba no a haci uso di e oportunidad ey dentro di e periodo di 30 diacu ley ta indica, e caminda administrativo pa reclama a vence.
Pa toch por habri un caminda pa bringa e asunto aki abogadoMr. D. Kocka a cuminsa e ora un caso pa pidi pa huez civil declara e ley no vigente(no valido) pasobra e pensionado di Aruba ta wordo discrimina y ta trata di un desigualdad den Reino.
Abogado Kock na nomber di e pensionadonan di Aruba a entrega un reaccion riba e incidente aki cu pais Corsou a trece padilanti.
Pais Corsou a pidi pa huez bisa cu e pensionado di Aruba cu ta ricibi AOV di Corsou mester a cana e procedura administrativo tempo cu SVB a nenga nan peticion y cu awor e pensionado no mag di purba drenta via un porta ( civiel) patras.
AbogadoKock a argumenta cu pensionadonan tin e derecho di pidi cerca e huez civil pa e declara e ley no vigente, (no valido).
Huez den corte Superior a duna pais Corsou razon den e caso aki den un veredicto final. Juez ta haya cu pensionadonan mester a cana e caminda adminstrativo.
Hunto cu abogado Kock e comision lo evalua e veredicto y wak ki otro paso por encamina pa nan haya nan derecho.
