ORANJESTAD (AAN): Recientemente un ekipo di 5 tecnico di e compania audio-visual Elite Productions & Entertainment a biaha pa Los Angeles California pa un entrenamento profesional.
Ta trata un entrenamento cual a conclui cu un certificacion di e compania Harman / JBL. E area specifico cu e entrenamento tabata tin enfasis riba dje tabata e producto JBL y su modelonan di sonido VTX y SRX. Esaki ta e speakernan cu Elite Productions ta usando exitosamente durante tur parada di carnaval y conciertonan.
Na momento cu e compania JBL/Harman cual Elite Productions ta representa na Aruba y Caribe a brinda e oportunidad aki, inmediatamente Elite a percura pa organisa tur cos pa e grupo di tecnico biaha y participa. E tecniconan cu awor ta certifica ta Ashwin Werleman, Ronald Werleman, Dimitry Frans, Jhon Alexis Rivas, y Ricardo Quezada.
