ORANJESTAD (AAN): Gerencia di Bucuti & Tara Beach Resort recien na forma orguyoso a celebra e hubilo di 15 empleado, un testimonio di nan dedicacion y compromiso.
E grupo aki ta forma parti di e total di 53 empleadonan di Bucuti cu tin cinco of mas aña trahando na e resort. Di esaki, 70% ta traha ya diez aña of mas, reflehando satisfaccion di empleado, un logro cu Bucuti & Tara ta orguyoso y honra di por logra cu cada miembro di su personal.
E reconocemento aki ta coincidi cu e logro mas reciente di e resort di worde nombra como Hotel No. 1 di Aruba y un di e Top 25 Resortnan den Caribe segun U.S. News & World Report, huntu cu nan recalificacion di “Recommended by Forbes Travel Guide”.
Na e Reunion General Anual di e resort, Bucuti & Tara a honra e 15 empleadonan di Bucuti pa nan aña di servicio. Rik van der Berg, Resort Manager di Bucuti & Tara Beach Resort, a declara: “Tur dia, nos huespednan ta conta nos cu nan vakantie na Bucuti & Tara Beach Resort ta entre e miho cu nan a experencia. Esaki ta debi na nos empleadonan dedica di Bucuti; berdadero profesionalnan di hospitalidad cu ta sinti gran orguyo den crea un ambiente imenso y duna un servicio di huesped cu ta casi sin igual na nivel mundial. Nos ta sinceramente gradici cada un di boso pa ta parti di e trayecto di Bucuti & Tara.”
Hubilarionan special: E 15 empleadonan di Bucuti cu a celebra nan aniversario como profesionalnan di hospitalidad ta como lo siguiente.
Celebrando 20 aña tin Marie Celie Gabriel-Jean Baptiste (Housekeeping), Charmante Rempart (Housekeeping), Solanges van der Linde (Housekeeping), Jasmine Miller (Housekeeping), Beverly Reed-Richards (Housekeeping), Francis Eric Davelaar (IT).
Celebrando 15 aña tin Gregorio Villones (Food & Beverage), Christian Garcia Ordonez (Food & Beverage), Madeline Gower-Fernandez (Front Office).
Celebrando 10 aña tin Karen Cousins (Food & Beverage), Yolanda Reyes (Food & Beverage), Acecilia William-Pierre (Food & Beverage), Mitchell Goeldjar (Reservations).
Celebrando 5 aña tin Michiko Eman (Human Resources), y Leonard Fingal (Maintenance).
“Esencial pa Bucuti & Tara Beach Resort ta e miho hotel di Aruba ta nos empleadonan di Bucuti, cu ta e curason di nos resort,” ta loke Crescenzia Biemans, Chief Corporate Officer di Bucuti & Tara Beach Resort a relata. "Nan dedicacion y pasion ta fundamental den forma nos exito durante e añanan. Mientras nos ta celebrando e aniversarionan aki, nos ta refleha tambe riba e balornan cu ta haci nos resort un luga ideal pa traha: integridad, respet, excelencia, y un compromiso comparti na sostenibilidad. Nos ta sumamente orguyoso di honra nan y ta profundamente agradecido pa nan contribucion na nos exito."
