ORANJESTAD (AAN): Den fin di siman, gerencia di Aruba Ports Authority a tene un ceremonia special,
pa asina honra diferente empleado kendenan ta festeha varios lustro di servicio. Gerencia ta aprecia un mundo nan dedicacion di asina hopi tempo cu Aruba Ports Authority NV.
Asina a honra Michael Koolman cu su 35 aña di servicio fiel. Tambe a honra Gerrit Martis cu su 30 aña di servicio. Felicitando tambe Amanda Lampe-Bislip cu 25 aña di servicio,
Tambe a honra Eugene Tromp cu su 20 aña di servicio. A felicita Jean-Pierre Briezen cu su 20 aña di servicio. A duna pabien na Roderick Ridderstap cu su 20 aña di servicio.
Finalmente a honra Rosie Arends cu su 15 aña di servicio. Felicitacion tambe na Kelvin Giel pa su 10 aña di servicio.
Gerencia a gradici cada uno pa nan trabao duro, fieldad, y contribucion balioso cu nan a demostra durante tur e añanan. E dedicacion ta loke ta haci cu e Waf importante di Aruba ta sigui bay dilanti.
