ORANJESTAD (AAN): E siman aki, diferente gremio local di sector di comercio, sindicalismo, asociacion hotelero, asociacion di restaurant y barnan, y esnan cu ta huur camber cu turistanan, y mas, a manda un carta unda nan ta aclarea cu nan NO a aproba
e rapport final “Level Playing Field” di October 2022.
Loke si nan tur a aproba ta un declaracion (grafico 1) pa laga haci un investigacion y traha un rapport. Ora e rapport a keda cla, nan como gremio no a aproba e rapport final, pasobra nan no tabata di acuerdo cu tur punto presenta den e rapport.
Al final KVK a manda e rapport sin aprobacion di tur gremio y nan inclui e lista di firma di e declaracion original (grafico 2). E declaracion original no ta representa aprobacion di e rapport.
E carta a wordo manda pa Prome Ministro, y e gremionan ta spera MinPres tuma consideracion di nan carta aki.
