ORANJESTAD (AAN): Entrante diabierna dia 1 di december, ciudadanonan cu ta desea di cumpra vacuna di Influenza por haci esaki na un costo di 20 Florin.
E vacuna por worde cumpra unicamente na seccion di Malesanan Infeccioso (DBZ) situa na Avicenastraat #1 patras di edificio principal di DVG na Oranjestad.
Horario pa cumpra vacuna ta di dialuna pa diabierna for di 7:45 am pa 11:45 am, y atardi for di 1:15 pm te cu 3:30 pm.
Vacuna di COVID den bario su ultimo dia lo ta dia 5 di december den bario di Lago Height pa ser exacto e unidad mobil lo ta para na Centro di Bario Lago Height, despues di dia 5 di december ciudadanonan na riesgo por busca vacuna di COVID unicamente na seccion di Malesanan Infeccioso DVG.
Te na e momento aki ainda e vacuna di COVID ta unicamente pa e grupo di personanan na risico.
