Lo tin reglanan mas riguroso y cumplimento di impuesto den Industria
ORANJESTAD (AAN): Na Februari 2023, Vacation Rental Professionals Aruba (VRPA) oficialmente a somete un marco di recomendacion di 10 puntonan na formuladonan di politica, cu meta pa establece reglanan necesario y cumplimento di impuesto den e sector di casnan di vacacion. Recientemente, siguiendo e sumision aki, formuladonan di politica notable manera Minister di Turismo, Dangui Oduber, y Minister di Asuntonan Economico, Geoffrey Wever, a expresa nan acuerdo cu e posicion di VRPA, reconociendo e importancia di reglanan y cumplimento di impuesto pa e prosperidad di e industria di casnan di vacacion.
“Nos, como miembronan di directiva di Vacation Rental Professionals Aruba (VRPA), ta celebra y sosten cu entusiasmo e anuncionan recien haci pa e Minister di Asuntonan Economico y e Minister di Turismo tocante nan plannan pa regula mas leu e industria di casnan di vacacion. Como representantenan di VRPA, nos a aboga consistentemente pa reglanan responsable pa asegura e sostenibilidad y exito a largo plazo di e sector di casnan di vacacion na Aruba. Ta extremadamente satisfactorio pa presencia e pasonan proactivo aki pa mehora e industria," ta bisa miembronan di directiva di VRPA Sjoerd de Vries, Alex Cybul y Alberto Perret.
VRPA, un organizacion consistiendo di propietarionan y manehadonan di propiedad di casnan di vacacion na Aruba, ta enfatisa e necesidad pa un campo di wega nivelado den e mercado. Como parti di e compromiso aki, VRPA ta destaca cu tur su miembronan ta cumpli cu impuesto, subrayando e importancia di cooperacion entre tur partidonan envolvi pa asegura justicia y adherencia na leynan y reglanan di impuesto entre tur propietarionan na e isla cu ta renta nan propiedadnan como casnan di vacacion.
Ademas, VRPA ta anticipa cu entusiasmo pa colabora estrechamente cu formuladonan di politica, ya cu nan tin conocemento extenso y experiencia riba e tema. E asociacion ta anticipa pa participa activamente den e reunionnan venidero pa discuti y atende e varios aspectonan relaciona cu casnan di vacacion y nan regulacion na Aruba.
Ya cu a somete e marco di recomendacion di 10 punto, VRPA ta aspira pa contribui na e crecemento y desaroyo sostenible di e sector di casnan di vacacion na Aruba. Abao ta un recordatorio riba e guia. E marco ta cubri un rango di recomendacionnan clave, incluyendo pero no limita na:
- Introduci un sistema di licencia pa casnan di vacacion
- Aumenta cumplimento di impuesto
- Enrikece y empodera e forsa laboral Arubano
- Asegura un balansa adecuado entre casnan di vacacion y casnan accessible
- Introduci Plan di Maneho di Ruido
- Introduci Plan di Maneho di Estacionamento
- Introduci Plan di Maneho di Basura
- Conserva e ambiente di bario
- Atrae mas famianan, Millennials & GenZ
- Mantene retornonan den e comunidad local Arubano
VRPA ta keda dedica na traha en colaboracion cu formuladonan di politica, agencianan gubernamental, y stakeholders relevante pa implementa reglanan efectivo y balancea cu ta sostene e crecemento di e sector di casnan di vacacion mientras ta asegura e proteccion di e recursonan natural di Aruba, e comunidadnan local, y e experiencia turistico en general.
