2024 mester habri porta pa e final di abuso contra mucha
*Organisacionnan internacional ta pidi piedad pa abuso di mucha
*Abuso fisico di mucha ta alcansa proporcion di horor na mundo
ORANJESTAD(AAN)—Aruba no ta desconoci cu e casonan mas cruel cu por socede cu mucha inocente cu hasta ta wordo asesina na e forma mas cruel.
Na e momentonan aki, Organisacion Mundial di Salud ta entre e cantidad di organisacionnan mundial ta bati alarma pa e realidad cu muchanan ta confronta.
Segun nan rapportnan mester papia di abuso sexual cu ta realidad contra tanto mucha homber como mucha muher, aunke e frecuencia contra mucha muher ta mas halto cu contra mucha homber.
Na September 2022, un rapport a indica con 120 Miyon mucha muher bou 20 aña di edad, a wordo forsa na un forma of otro pa mantene relacion sexual,
Nan a keda cu problemanan fisico y mental serio, cu a stroba nan desaroyo normal di bida.
Di e forma aki, manera e rapportnan ta mustra, mundo mes ta crea un baril sin bom pa hende ta ta abusa di otro.
A keda comproba cu muchanan cu wordo maltrata , den hopi caso no por funciona normal mas.
Muchanan cu a bira victima di maltrato, segun rapportnan oficial, den un cantidad di caso, ta dicidi ora nan bira adulto, pa bira e agresor contra otro hende.
Pesey prevenvion di abuso di mucha no ta algo cu lo soluciona problemanan actual, pero tambe lo tin resultado pa futuro di e pais.
Falta di atencion pa e problemanan cu mucha ta confronta ta uno di e motibonan mas grandi di e problemanan cu ta pasa di un generacion pa otro, manera ta bini dilanti.
Den diferente informacionnan riba e problema ta bini dilanti e relacion entre mundo di droga y e abuso fisico y sexual di mucha.
Mientras abuso fisico y sexual di mucha ta aumenta, cifranan di mucha cu ta dicidi pa droga tambe ta subi y asina ta sostene un circulo virtual, cu como fin tin solamente e accion di adultonan pa pone un fin na loke ta pasa cu muchanan.
E situacionnan di bida actualmente ya ta crea hopi tension cerca mucha, cu no ta lanta den famia stabil den un mundo di cambio di normanan, cu ta haci esnan mas debil riba tereno fisico y social nan prome victima.
Informantenan di DIARIO ta di opinion cu durante 2024, poblacion di Aruba mester sigui atende cu e topiconan aki tanto den reunionnan di bario por ehempel como den buskeda di lectura y informacion corecto pa por habri porta pa ayudo di muchanan, cu na e momentonan aki ta victimanan di e desaroyo cu den hopi caso, ta termina cu desenlacr horibel y morto di inocentenan!
