Cifranan di Covid-19 ta keda subi of baha un tiki
ORANJESTAD (AAN): Segun resumen di diabierna, 13 persona a recupera y un total di 14 caso nobo di COVID-19 a keda registra di cual 1 ta no-residente.
E cifranan aki ta representa un 'Positivity rate' bou di residentenan di 9%. E cantidad di casonan activo di COVID-19 ta 163 y cantidad di fayecidonan relaciona cu COVID-19 ta 172. Datonan ta ilustra casonan nobo di COVID cu un average semanal di 13 caso pa dia y un averahe di 'positivity rate' semanal di 10% pa dia.
Actualmente na Aruba tin 10 persona interna debi na COVID di cual den ICU tin 1 persona, riba piso general tin 9 persona y na Colombia tin actualmente 10 persona den ICU y 2 riba piso general.
E cantidad di personanan vacuna na Aruba a yega te na 83.153.
