Raymond Kamperveen ta laga atras:
ORANJESTAD (AAN)—Den entrevista cu DIARIO, ex-Parlamentario y ultimo Presidente di Parlamento, señor Raymond Kamperveen, a expresa su sentimentonan tocante su experiencia den e funcionnan aki, como miembro di RAIZ durante e ultimo gobernacion di coalicion cu MEP.
Kamperveen a expresa cu esaki ta yama democracia y mester acept’e, indicando tambe cu e tabata tin un bunita experiencia como parlamentario, durante tres aña y mey, y e ultimo cuater lunanan como presidente di Staten, unda e por bisa cu el a siña hopi. Kiermen, e ta miho prepara pa si un dia e mester bolbe den Parlamento, cu e por sa miho con e ta hinca den otro.
“Enberdad cuater luna ta asina cortico, pero mi a siña hopi, asina lihe, mi a makemee asina hopi reunionnan importante, pa sa kico tur ta sosode patras di cortina. Mi a hay’e hopi interesante y ta algo mi ta hiba pa bida den mi CV. Hopi bon experiencia y mi ta contento di por a haya e oportunidad. Y mi ta habri tambe y si e siguiente nobo cu ta bin si kier conseho, mi tey'nan tambe pa yud’e y gui’e”, Raymond Kamperveen a expresa.
