Nos Aruba di Antes
E potret ta conta hopi historia.
Na banda drechi di e retrato
Por aprecia edificio di Spritzer & Fuhrman y su carillon cu cada ora ta trece e alegria den caya. Tambe na mes un banda e edificio di La Linda cu tabata manera e curason di Nassaustraat. Tabata tin e tienda cu tabata bende tire cu mas despues a bira tienda di bende paña di mucha. Tambe tabata tin e joyeria.
Na e banda drechi mas na comienso di e potret por aprecia e borchi di Arco Iris Refresqueria.
Refresqueria Arco Iris tabata conoci como un hanchi den un edificio cu tabata conecta Nassaustraat cu Middenweg.
Arco Iris tabata conoci pa su croquette y pastechi di excelente sabor. Bo tabata kier un bon orange of grape juice traha na machine ta na Arco Iris bo mester ta.
Mas den final di e potret por aprecia edificio di La Moderna pero tambe despues di edificio di La Moderna tin un espacio bashi. Aki tabata unda e taxinan ( nummerplaat TX, antes tabata yama taxi un auto di huur) tabata para warda pasahero ( turista).
Na final di e potret por aprecia un crucero den waf.
Na banda robes di e potret por aprecia:
Rio bar tabata situa dilanti di La Linda, e caya Oranjestraat. E potret mes ta tuma for e di dos piso di loke ta awe e edificio di Botica del Pueblo.
Eynan nos Arubianonan di antes tabata warda taxi. Antes taxi ( Nummer plaat B ta loke nos ta yama awe autobus. Mayoria tabata core e ruta di Santa Cruz, Paradera y Oranjestad. Por corda den añanan 80 y 90 taxi nan (nummerplaat B )di Cornes, Didi, Jonco, Eddy.
Mayoria tabata autonan americano station wagon.
Compila pa Roberto G. Croes
Nos Historia Nos Herencia
