Daniel Rodriguez Facundo a regresa Spaña
ORANJESTAD (AAN): E siman aki, e director di F&B di RIU Palace Hotel Antillas a regresa su pais Spaña, y el a comporta su mes hopi bon den e cuatro aña. E ta procedente di Islanan Canaria, y ta un persona hopi agradabel, y no tabata nada arogante.
Ta trata aki di Daniel Rodriguez Facundo, y e tabata un persona kende ademas di scucha recomendacion di su empleadonan, tabata mustra nan riba e forma perfecto pa atende e bishitantenan. E ta wordo describi como un ‘bon persona’, y tabata agradabel pa traha cu ne.
Daniel a gradua na Colegio Hispano Inglés na Spaña, el a studia y gradua den ‘Turismo’, y posteriormente a sigui pa su Master den Hotel Management, y alavez e tabata traha como waiter. Despues el a bay traha pa un compania Sweet Garden cu tabata encarga cu Casnan di Vakantie.
Asina el a yega na traha cu e cadena hotelero di RIU como Sub-Director, y a bin haci practica na Aruba pa seis luna na 2023, y despues a bira e director di Rooms Division Manager na RIU Palace Hotel Aruba, y asina a yega bira Food & Beverage Manager na RIU Palace Hotel Aruba pa 3 aña y mey.
Aruba ta keda contento ora cu hendenan bon prepara ta bin traha pa Hotelnan pa atende turismo, cu bon wowo pa sigui sostene empleadonan, y tambe pa duna guia na empleadonan pa nan tambe mehora nan mes.
DIARIO ta desea Daniel Rodriguez Facundo tur clase di exito awor cu el a regresa Spaña.
